طريقة البطاطس البوريه

1 فلفل من كل لون
1 بصلة خضرا برجليها :D
مشروم متقطع
1 جزرة مبشورة
1 كوسة مبشورة " حسب الرغبة "

يقطع الخضار شرائح بالطول رفيعه وتوضع في حلة تيفال مع شوية زيت " معلقتين او تلاتة "
وتشوح قليلا
بصوا لحد ما القرمشة بتاعة الفلفل تروح ومش لازم يدبل المهم
ممكن تتبلي الخضار بشوية ملح وفلفل قليلين جدا وخلي بالك من الملح في خطوات التحضير عشان ميكونش زايد

البطاطس بقى تكون بتتسلق وتهرسيها كويس وتفرديها في صنية بايركس بس تكون مدهونة بشوية زيت قليلن يادوب معلقة تمسحيها بيها

تفردي البطاطس وممكن تملحيها وانتي بتهرسيها او بعد ما تفرديها ترشي عليها شوية ملح قليلين او ترشي عليها كيس مرقة فورية فاين فودز

بعد كده تفردي الخضار على الوش ، وتضربي من 4 ل 7 بيضات كويس وتبليهم وتفرديهم على الوش وده راجل للكمية بتاعة البطاطس وحجم الصنية

حضيها في الفرن تقريبا 30 دقيقة على الشبكة ونار عالية وخلي بالك اول ما تحمر وتقدري تبصي علىيها من تحت عشان البايركس فمتتحرقش منك :D

وطبعا تتاكل سخنة على الغدا او ممكن باردة كمان :D
المهم تاكليها وتدعيلي :D
ممكن طبعا تضيفي شرايح البسطرمة للخضار وهو بيتشوح وده بيديها نكهة حلوة أوي
او الجمبري :D
وبالهنا والشفا

على فكرة
ممكن تعملي القرنبيط بنفس الطريقة مع اضافة عصاج اللحمة المفرومة وبعديها الخضار كطبقة تانية