طريقتي الخاصة في عمل ديك رومي بالخضار وصينيه مكرونه بالباشميل

اولا طريقه عمل المكرونه بالبشاميل

المقادير

كيسين مكرونه اقلام

 

 نص لحمه عصاج

ملح وفلفل اسود

كيلو لبن

٦ معالق دقيق و٦ معالق سمن

جبنه مودزريلا وكريمه وجبنه تركي حسب الحاجه

الطريقة

بنحط الدقيق في حله على النار وعليه السمن ونقلب جيدا ثم نضع اللبن ونقلب جيدا لو كلكعت منك اضربيها بمضرب بيض او في الخلاط ونحط ملح وفلفل اسمر حسب الرغبه  بنسلق المكرونه ونجيب صينيه مستطيله نحط جزء من المكرونه بالاسفل ثم اللحم العصاج ونضع نصف البشاميل وبعدين باقي المكرونه وعلى الوش كل البشاميل وندخلها الفرن لحد من نلاقي الحواف احمرت بنشغل الشوايه لحد ما تبقا زي الموجوده بالصوره

 نيجي بقا للديك الرومي

 

 المقادير

ديك رومي  ٦كيلو

 

 معلقه ورق لوري

معلقه زعتر

 

 معلقه زر ورد

خضار حسب الرغبه ممكن جزر وبطاطس وبقدونس وبصل بس وممكن تحطي محتويات التورلي زي ما انتي عايزه يعني ممكن تزودي كمان بسله وفاصوليا وكوسه وبتنجان

 

بنقطع الجزر دواير سميكه شويه والبصل كمان والبطاطس مكعبات

 

بنجيب الديك الرومي ونغسله كويس جدا بالخل بعدين بالملح او الليمون

ونحط جواه الخضار بعد ما نحط عليه ملح وفلفل اسود وباقي الزعتر وورق اللوري وزر الورد بنحشي الديك بالخضار ونقفله من تحت وباقي الخضار بنفرده في صينيه ونترك الديك الرومي على النار يتسلق  ما بين ساعتين لثلاث ساعات ونحط معاه نص مقادير زر الورد والزعتر وورق اللوري وملح وفلفل اسود

بنجيب صينيه ونفرد فيها باقي الخضار ولما يتسلق الديك نحطه فوق الخضار وندخله الفرن لمده ساعتين مع تقليبه على كل الجوانب وبيطلع زي ما موجود بالصور 

 

 

 

 

 

 وبالهنا والشفا