درس كامل لمعرفة وظائف جميع فرش المكياج

نبدأ بفرشة الأساس .
بالغالب تكون نايلون عشان تمتص الضربات وماتترك أكثر بعد المد ، وممكن تكون من شعر طبيعي بس بصفات شبيهه بالنايلون ، واهم شي انها ماتذبل مع الكريم او السائل .



N8 من ميك اب فور ايفر ، تستخدم لمد الأساس والبلاشر الكريمي والستيك أيضا .
Q3 من احمد قبيسي لمد الأساس السائل ، والكونسيلر ، والاساس الستيك والكريمي .
بالنسبه للاساس السائل الافضل لو تستخدمين معه الاسفنجه المشطوبه . من ميك اب فور ايفر .



فرشة الكونسيلر :


بالامكان تستخدمين الاصبع في مد الكونسيلر ، وايضا تقدرين تستخدمين الفرشه ، النايلون .
من فور ايفر N6 مخصصه للظلال والكونسيلر .
من قبيسي Q3 للأساس والكونسيلر على حد سواء .

فرشة البودره :



الألفضل لنشر اللوس باودر تستخدمين ( الاسفنجه) البف . والفائض تيزلينه بالفرشه .

Q1 و Q2 لمد اللوس باودر وأزالة الفائض . وأيضا للبلاش





من فور ايفر S30 لإزالة اللوس باودر ووضعه أيضا . هذي حجمها كبير . هي الافضل
وفيه الاصغر S32
الافضل الفرشه تكون كبيره ، وناعمه ، ولها اطراف ناعمه يعني متدرجه بشكل بسيط ، عشان تقدرين تميلينها على كيفيك وتمدينها بالزوايا وحول العيون والأنف .

فرشة البودره اللميعه والبرونزيه :
الافضل بالنسبالي من بوبي براون ( واسمها فيس بليندر )



أسفنجة الكومباكت باودر فاونديشن :
بالغالب تجي معها . وهذا شكلها .



فرشة ازالة الظلال الفائضه :
الفرشه اسمها المروحه . وتستخدم لازالة البودره الشفافه تحت العين بالذات والظلال المتساقطه ، وهذا شكلها بكل الماركات .



من قبيسي رقمها Q16
بفور ايفر ماذكر لها رقم بس اسمها fan brush

فرشاة البلاشر الكريمي :



هي نفسها فرشة الاساس ، بس راعي تكون كبيره شوي .
من فور ايفرN8

فرشة البلاشر المضغوط:

ركزوا فيه أنواع .

Q1 لمد البلاشر ونحت عظمة الخد .

Q2 لمد البلاشر ودمجه .

من فور ايفر :

S24 لمد البلاشر ومو جيده كفايه .

S25 لنحت الخد وإبراز العظمه . لاحظوا كيف انسيابيه وشعرها مائل .

S20 لدمج البلاشر وتخفيفه . ولاحظوا مثل ماقلتلكم شعرها غزير وبنفس المستوى .

فراشي الظلال :

الافضل بالنسبالي اللي يكون حجمها كبير نسبيا على الاقل تغطي ربع محجر العين . ولازم يكون شعرها ناعم بالذات في الجفن المتحرك ، لأن المنطقه حساسه .

من قبيسي Q4 بوجهين وجه مسطح لمد ظل متساوي وبلون واحد ، ووجه متدرج للدقه في التوزيع . ( الفرشه اسفل الصوره)

Q5 متدرجه من الجهتين لدقه أكثر . تقدرين ترسمين فيها اللي تبينه
فرشة الظلال الفاتحه:

في حال استخدمتي هالفرشه للظلال الغامقه ممكن تتناثر وتحوس عليك الماكياج ، لذلك هي مخصصه فقط للظلال الفاتحه واللماعه .

من قبيسي Q6 للظلال الفاتحه واللامعه .

من فور ايفر S10 لنشر الظلال الفاتحه وأيضا اللامعه ، ولأخذ اللون . ولنشر اللون تحت الحاجب .

وأيضا S8 نفس الخصائص لكن بحجم أصغر .

وتستخدم بهالمنطقه

أيضا بالامكان أستخدام الاسفنجه ، بالغالب تجي مع ثلاث غيارات . ومناسبه جدا للظلال الحره ( اللوس )

وتستخدم أيضا للظلال الفاتحه ، وأيضا لوضع اللون مش دمجه .

من قبيسي Q21

من فور ايفر مالها رقم تسمى اسفنجة الدمج

وتستخدم لهاللوك

لمد الظلال الفاتحه في الجفن المتحرك:

من فور ايفر S5

فراشي الدمج:

من قبيسي Q7 تستخدم للدمج الظلال ، وأيضا لنحت دوائر الوجه و تكحيل منابت الرموش بطريقه حالمه . لانها مشطوبه نسبيا .

من فور ايفر فرشة الدمج S16

ايضا ممكن تستخدمين فرشة البنانا للدمج ( سيرد ذكرها )

لازالة الفائض وتنظيف الظل :

من فور ايفر S18

لتكحيل منابت الرموش ووضع الظلال الداكنه بمحاذاة الرموش وداخل العين :

Q13 وهي فرشة مشطوبه .

فرشه مقاربه لها من فور ايفر SB5

فراشي الظلال المائيه والكريميه :

مثل ماذكرت بالغالب تكون نايلون .

من قبيسي Q8 لللظلال المائيه ميزتها تمنع تكتل الظلال

من فور ايفر عدة فراشي . N5 اصغر و N6 اكبر للعيون الكبيره حجمهم مختلف مناسبه للجفن العلوي . وتستخدم لمد الظلال الكريميمه والمائيه . وأيضا للبليندج ( الدمج) بعد السموكي .

أيضا N4 حجمها صغير مناسب لتحت العين سواء لدمج الكحل الكريمي او وضع الظلال المائيه . بهالمنطقه

فرشة السموكي :

من قبيسي رائعه Q8

تقدرين ايض تستخدمين فرشة البنانا S14

للحصول على أفضل سموكي ، مدي ظل مائي او كريمي وامدجيها بفرشة N المناسبه وارجعي مدي الظل بفرشة السموكي .

لمد الظل على قوس العين ( البنانا ):

من قبيسي Q12

من فور ايفر S 14

وللي ماتعرف البنانا هذي صوره توضيحيه .

فراشي الاي لاينر :

الأي لاينر الكريمي :

الافضل لو تستخدمين الفراشي المشطوبه ، أو المسطحه ، لأنها أسهل في الرسم وخطها واحد ومناسبه للمبتدئات .

من الفراشي اللي اعجبتني هي فرشة سماش بوكس رقمها 9

تعطيك لوك رائع

من فور ايفر N9 وتستخدم ايضا مع الجليتر جل .

فرشة الأي لاينر المضغوط ( الكيك) والعادي:

شكلها اعتقد معروف وتختلف أحجامها حسب عرض الأي لاينر

من قبيسي Q15 للأي لاينر العريض والمدمج .

Q15 للاي لاينر الناعم وخاصه الاي لاينر المستقيم الحاد ، ولتكحيل منابت الرموش .

وهذي S0

N1

وN2 مثل ماذكرت للاي لاينر المدمج .

من فور ايفر اللي تشوفونه بالصوره ، للاي لاينر الرفيع جدا وميزته انه ستانليس ستيل وله غطى عشان تقدرين تحطينه بالشنطه . وعلى فكره الاي لاينر الرفيع استخدامه أصعب من العادي .

يساعدك ترسمين بدقه في زوايا العين مثل هالمنطقه بالصوره .

وايضا ترسمين أي لاينر رفيع جدا بهالشكل المميز ( على فكره طالع موضه هالستايل وبقوه )

للتكحيل بالظلال الكومباكت ( العاديه) :

اسهل طريقه لتلافي الأخطاء ، والتكحيل بكل سهوله ، هو انك تستخدمين فرشه الظلال للتكحيل .

مثل ماذكرت الفرشه المشطوبه . سابقا من فور ايفر SB 5

او من قبيسي Q11

أيضا فيه فرشه انسيابيه أكثر وسبق ذكرها Q13

ولها شبيه بفور ايفر ومن حسنات هالفرشه تقدرين تصلحين فيها بليندنج للسموكي ، وتبلينها أيضا بالماء ، يعني تغنيك عن المشطوبه . انا اشوفها من أحلى الفراشي ,واقتنائها يكاد يكون ضروري .

 فرشه لتوسيع نظرة العين :

هذي الفرشه اعجبتني عند قبيسي رقمها Q15، ميزتها وسط بين الاي فرشة الاي لاينر وفرشة الظلال .

تستخدم في زوايا العين لتوسيع النظره ، ولنشر الألوان الترابيه والمحمره .تعطيك مثل هاللوك .

لرسم الحواجب :

ممكن تستخدمين الفراشي اللي تجي مع المنتج بس جودتها مش كافيه ، وميزه الفرشه انها قاسيه وتسهل عليك رسم حواجبك ، بس احذري تستخدمينها لعينك لانها قاسيه للغايه . ممكن تصلحين فيها سحبه بس برى العين يعنى خارج محجر العين .

من قبيسي Q10

من فور ايفر اسمها فرشاة الحواجب .

لتمشيط شعر الحاجب وتهذيبه :

Lash Comb Brush من فور ايفر . الفرشه الشبيهه بفرشاة الماسكرا

من قبيسي Q20

ولها جانبين ، جانب كثيف الشعر لتمشيط الشعر لفوق ولتحت ايضا وترتيبه . وعلى فكره ممكن تستخدمين فرشة الاسنان تعطيك نفس النتيجه بس تخصصينها للماكياج .

والجانب الثاني مثل المشط العادي لنفس الغرض . ويعطي مظهر طبيعي للحاجب .

فرشة الرموش والحواجب :

تستخدمينها لتفريق الرموش بعد الماسكرا ، وايضا لتمشيط الحواجب بشكل ناعم ، وإزالة البودره من الحواجب والرموش .

من فور ايفر اسمها Eyelash Brush

من قبيسي Q19

فراشي الشفاه :

تشبه لحد كبير فرشة الكونسيلر ، بس الفرق انها طويلة شوي لتسهيل الحركه ، وبالغالب يجي حجمها صغير نسبيا . تعطي ثبات للروش وشكل مخملي .

من قبيسي Q14

من فور ايفر عندك من N وهي أفضل من الـ

S

S3

وايضا فيه فرشه نفس الشكل بس بغطى معدني عشان الشنطه .

N3 ميزتها انها مسطحه عشان تحددين فيه الشفايف بدقه وتصححينها .

N4 من مزاياها انك تقدرين تاخذين فيها الجليتر وايضا الستار باودر وتنثرينه عالشفايف .

وبكذا انكون انهينا كل الفراشي . طبعا لاتنسون ان كل ماركه لها طريقه بفراشيها ، وبعض الماركات يميزها تصميم خاص فيها .

ملاحظة:

حبيبات قلبي مو تشوفون كل هالفراشي وتنجنون تشترونها . انتم مو بحاجتها كلها ، يعني لاتفهمون من كلامي اني ابيكم تشترونها كلها ، بالعكس أنا ذكرت اول الموضوع الفرش الضروريه ، الباقي هذي إضافيه وخاصه للمحترفات والدقيقات جدا في الماكياج .

ودائما احرصي تشترين فرشه لها أكثر من استخدام ، على سبيل المثال فرشه البنانا من الفراشي المهمه يعني تقدرين ترسمين فيها قوس العين ، وايضا تصلحين فيه كنتور لأي ظل وايضا تقدرين تصلحين سموكي فيها .

فرشة البودره بعض الفراشي تستخدمينها للبلاش والبودره .

واحرصي تشترين الفرشه اللي تناسبك ، يعني لو عينك مايناسبها السموكي لاتشترين فرشة السموكي .

بس خلاص ههههه